Vit frætta bara alt gott frá svimjarnum í landsliðs hópinum úr Íslandi, nú hava tey verið har í eina viku. Í morgin er tað so at kappingin Reykjavik International byrjar.
5 svimjarar afturat frá FS fara avstað til Reykjavíkar í morgin, tey eru : Eyðrið Hansen, Pauli Øssursson Mohr, Sunnleyg Eliasen, Durita Philbrow og Anna Larsen. Frammanundan eru Jóhanna Egholm, Poula Øssursdóttir Mohr, Jonna B.Thomsen og Jóhan Heðinsson úr FS í Reykjavík á venjingarlegu við ungdómslandsliðnum. Á odda hjá landsliðnum eru Sonni og Karina frá FS. Eisini fara fleiri spentir fjepparar avstað úr Fuglafirði við flogfarinum til Reykjavíkar í morgin.
FS ynskir teimum øllum góða eydnu við kappingini.